Guión, montaxe e deseño do cartel e créditos para esta peza de remontaxe creada para o departamento de Memoria Histórica da Deputación de Pontevedra no marco da celebración do centenario de Mariví Villaverde.

SINOPSE

Unha rapaza de Vilagarcía escríbelle unha carta a Mariví Villaverde, filla do alcalde republicano da súa vila. Mariví tivo que exiliarse cando tiña 14 anos por culpa do golpe de Estado de 1936. A rapaza, case noventa anos despois, pregúntase: teñen as súas vidas algo que ver? Son visibles as pegadas das persoas e das historias que nos precederon nos lugares onde medramos?